გორისა და ატენის მიტროპოლიტმა, მეუფე ანდრია (გვაზავა) ეპარქიის სასულიერო პირებთან ერთად გიორგი აბრამიშვილის სახელობის სამხედრო ჰოსპიტალის ეზო აკურთხა.ამის შესახებ "ინტერპრესნიუსს" თავდაცვის სამინისტროდამ აცნობეს.

უწყების ინფორმაციით, კურთხევას სამხედრო ჰოსპიტალის დირექტორი დავით ბარლიანიც დაესწრო. საქართველოში ახალი კორონავირუსის შესაძლო გავრცელების აღკვეთის ღონისძიებების ფარგლებში, გიორგი აბრამიშვილის სახელობის თავდაცვის სამინისტროს სამხედრო ჰოსპიტალი საკარანტინო ზონად 2 მარტს გამოცხადდა.

დღევანდელი მონაცემებით, გორის სამხედრო ჰოსპიტალის საკარანტინე სივრცეში სულ 59 ადამიანი იმყოფება, აქედან 32 სამხედრო პირია. ჰოსპიტალში მყოფი ყველა პირის ჯანმრთელობის მდგომარეობა დამაკმაყოფილებელია.