ფოთში თვითიზოლაციაში მყოფი მოქალაქეების რაოდენობა 57-მდე გაიზარდა. საკარანტინო სივრცეში კი 7 ადამიანია გადაყვანილი.
თვითიზოლაციაში მყოფი პირების ნაწილი უცხო ქვეყნის მოქალაქეები არიან.
,,დღეს დაემატა რვა შემთხვევა, აქედან ოთხი არის საფრანგეთის მოქალაქე, ისინი ტურისტები არიან, თურქეთიდან შემოვიდნენ და რა თქმა უნდა, თვითიზოლაციაში იმყოფებიან. მათ აქვთ პირადი საოჯახო ორი მანქანა, რომელიც აღჭურვილია საძინებლით. უზრუნველყოფილი არიან საკვები-პროდუქტით. დანარჩენი ოთხიდან, ორი გერმანიიდან, ორი თურქეთიდან ჩამოვიდა, მათ შორის სამი ქალია. ესენი არიან 30- დან 56 წლამდე. საერთო ჯამში, სულ არის 57 კაცი თვითიზოლაციაში, კარანტინში 7. ნამდვილად არც ერთს არა აქვს არანაირი კლინიკური გამოვლინება“, - განაცხადა საზოგადოებრივი ჯანდაცვის დირექტორის მოადგილემ ზინაიდა გაგუამ.