ბათუმის ინფექციურ საავადმყოფოს ბოქსირებულ განყოფილებაში მყოფ ხუთ მოქალაქეს ლაბორატორიული კვლევის შედეგად კორონავირუსი არდაუდასტურდა.
როგორც აჭარის ჯანდაცვის სამინისტროში განაცხადეს, ისინი საკარანტინო სივრციდან ტემპერატურის მატებით კლინიკაში დღეს მოათავსეს. მათ მოგზაურობის ისტორია აქვთ.
რაც შეეხება სამ ინფიცირებულს, მათი ჯანმრთელობის მდგომარეობა დამაკმაყოფილებელია. ჩივილები არ აღენიშნებათ.
ცნობისთვის, აჭარაში საკარანტინო სივრცეში 900-ზე მეტი მოქალაქე იმყოფება.