გიორგი გახარია - სწრაფი ტესტების შემოტანა არ დაგვიანებულა, სწრაფი ტესტები არ არის პანაცეა, ზოგიერთი უპასუხისმგებლო პოლიტიკოსის პოლიტიკური ინსტრუმენტია
საქართველოს პრემიერ-მინისტრის გიორგი გახარიას განცხადებით, საქართველოში სწრაფი ტესტების შემოტანა არ დაგვიანებულა.
მისივე თქმით, სწრაფი ტესტები არ არის პანაცია და ეს ზოგიერთი უპასუხისმგებლო პოლიტიკოსის პოლიტიკური ინსტრუმენტია.
„სწრაფი ტესტების შემოტანა არ დაგვიანებულა. თქვენ წარმოდგენა არ გაქვთ, როგორი იყო მარნეულის "ქეისის" განვითარება. სწრაფი ტესტები არ არის პანაცეა, ეს არის პოლიტიკური ინსტრუმენტი ზოგიერთი უპასუხისმგებლო პოლიტიკოსის, რომელსაც წარმოდგენა არ აქვს ამ ტესტებს შემდგომ განვითარების რა ეტაპები უნდა მოჰყვეს და რა არის ქვეყნის სტრატეგია გაუმკლავდეს მსგავს გამოწვევებს. სირცხვილია, როდესაც ასეთ მდგომარეობაში ადამიანები ცდილობენ, დამატებითი მოგების მიღებას, იქნება ეს ფინანსური მოგება თუ დამატებითი პოლიტიკური დივიდენდები. ჩვენ ვშრომობთ და ვმუშაობთ მხოლოდ იმისთვის, რომ როგორმე მინიმალური დანაკარგებით ჯანმრთელობის და ეკონომიკისთვის ვუპასუხოთ ამ გამოწვევას",- განაცხადა გიორგი გახარიამ.
