მარნეულში სამხედრო ტექნიკა შეჰყავთ
მარნეულში სამხედრო ტექნიკა შეჰყავთ. ტერიტორიაზე რამდენიმე ათეული სამხედრო ავტომობილი შევიდა.
თავდაცვის მინისტრის ირაკლი ღარიბაშვილის ინფორმაციით, მთავრობის საკოორდინაციო საბჭოს გადაწყვეტილებით ბოლნისისა და მარნეულის მკაცრ საკარანტინო რეჟიმზე გადასვლასთან დაკავშირებით საქართველოს თავდაცვის ძალები კორონავირუსის გავრცელების საპრევენციო ღონისძიებებში ერთვება.
შინაგან საქმეთა სამინისტროსთან სრული კოორდინაციით, თავდაცვის ძალები მარნეულისა და ბოლნისის მუნიციპალიტეტებთან მოაწყობს და დაიცავს სპეციალურ გამშვებ პუნქტებს.
