ბათუმის ინფექციურ საავადმყოფოს ბოქსირებულ განყოფილებაში, კორონავირუსით ინფიცირებული სამი მოქალაქის ჯანმრთელობის მდგომარეობა დამაკმაყოფილებელია. მათ ჩივილები არ აღენიშნება.

როგორც კლინიკაში აცხადებენ, კორონავირუსის საეჭვო ნიშნით მოთავსებული ექვსი პირის ლაბორატორიული კვლევის შედეგები დღის განმავლობაში გახდება ცნობილი.

ისინი საკარანტინო სივრციდან ტემპერატურის მატებით მოათავსეს. მოქალაქეებს მოგზაურობის ისტორია აქვთ.

„ინფიცირებული პირების ჯანმრთელობის მდგომარეობა დამაკმაყოფილებელია, არავითარი ზემდეტი გართულება არც ერთ პაციენტს არ აქვს. სქემის მიხედვით მიმდინარეობს მკურნალობა. 6 პაციენტის კვლევის შედეგებს ველოდები",- განაცხადა კლინიკის ექიმმა დავით მურვამიძემ.

ცნობისთვის, აჭარაში საკარანტინო სივრცეში 1000-ზე მეტი ადამიანი იმყოფება.