აშშ-ის პრეზიდენტმა, დონალდ ტრამპმა, ჩრდილოეთ კორეის ლიდერს, კიმ ჩენ ინს პერსონალური წერილი გაუგზავნა და კორონავირუსთან ბრძოლის დროს თანამშრომლობა შესთავაზა.

გავრცელებული ინფორმაციით, წერილში ამერიკის ლიდერი ორ ქვეყანას შორის არსებული ვითარების გაუმჯობესებისთვის მზადყოფნას გამოთქვამს.

საკითხზე კომენტარი გააკეთა კიმ ჩენ ინის დამ და აღნიშნა, რომ „სირთულეებმა და გამოწვევებმა ურთიერთობების განვითარებას გაუხსნა გზა“.

ცნობისთვის, გასულ თვეს, სახელმწიფო დეპარტამენტში აღნიშნეს, რომ ისინი მზად არიან ფხენიანს კორონავირუსთან გამკლავებაში დაეხმარონ.

ამ დროისთვის, ოფიციალური მონაცემებით, ჩრდილოეთ კორეაში კორონავირუსის არც ერთი შემთხვევა არ დაფიქსირებულა.