კახეთში კარანტინში მყოფ პირთა რაოდენობა 392-მდე გაიზარდა, თვითიზოლაციაში კი 373 პირი რჩება

მარნეულში, ახალი კორონავირუსით დაინფიცირების შემთხვევის გამოვლენის შემდეგ, საზოგადოებრივი ჯანდაცვის წარმომადგენლები, კახეთში, ეთნიკური უმცირესობებით დასახლებულ სოფლებში განსაკუთრებულ ღონისძიებებს ატარებენ. ამის შესახებ დაავადებათა კონტროლის კახეთის რეგიონულ განყოფილებაში განაცხადეს.

ნელი ხიზანიშვილის თქმით, სოფლებში,სადაც ეთნიკურად აზერბაიჯანელი მოსახლეობა ცხოვრობს,ოჯახის ექიმებს მითითება მიეცათ, რომ ნებისმიერ საეჭვო პაციენტთან დააზუსტონ, მათი კავშირი ან მოგზაურობის ისტორია მარნეულთან.

კახეთის რეგიონში 6 საკარანტინო ზონაა მოწყობილი. თელავის და გურჯაანის მასშტაბით,სპეციალურად განთავსებულ საკარანტინო სივრცეებში მოთავსებული პირების რაოდენობა 392-მდე გაიზარდა. მათი მდგომარეობა ამ ეტაპზე დამაკმაყოფილებელია.

კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების უფროსის ნელი ხიზანიშვილის თქმით, ასევე გაზრდილია თვითიზოლაციაში მყოფი იმ მოქალაქეები რაოდენობა,რომლებმაც საზღვარი გადმოკვეთეს.

ბოლო მონაცემებით, სპეციალისტების მეთვალყურეობის ქვეშ თვითიზოლაციაში 373 პირი რჩება. აქედან საგარეჯოში - 47, ლაგოდეხში - 38, ყვარელში - 17, გურჯაანში - 53, სიღნაღში - 51, თელავში - 87, დედოფლისწყაროში- 40, ახმეტაში - 40 ადამიანი. თვითიზოლაციიდან მოიხსნა 16 მოქალაქე.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს