სამეგრელოში 329 პირია თვითიზოლაციაში, კარანტინში კი 26 ადამიანი იმყოფება

სამეგრელო - ზემო სვანეთში თვითიზოლაციაში 329 ადამიანი იმყოფება. როგორც რეგიონის საზოგადოებრივი ჯანდაცვის ცენტრის დირექტორმა ნანა ოდიშარიამ ბრიფინგზე განაცხადა, თითეული მათგანის ჯანმრთელობის მდგომარეობა დამაკმაყოფილებელია.

მისივე თქმით, თვითიზოლაციის პერიოდი 63 პირს დაუმთავრდა.

„დღეს რეგიონში კორონავირუსის არცერთი დადასტურებული შემთხვევა არ გვაქვს. ჩვენს რეგიონში შემოყვანილია 20 პირი, მათ გაეწიათ სამედიცინო დახმარება და არც ერთი მათგანი არ ჩაითვალა კორონავირუსზე საეჭვოდ. ყველა გადავიდა თვითიზოლაციაში და გრძელდება მეთვალყურეობა. სხვადასხვა რეგიონებიდან 32 პირია დღეს საკარანტინო სივრცეში ანაკლიასა და მესტიაში. ისინი გადმოიყვანეს თბილისის საუნივერსიტეტო კლინიკიდან და გორის ჰოსპიტალიდან. მათ უტარდებათ სამედიცინო შემოწმება. მათი ჯანმრთელობის მდგომარეობა დამაკმაყოფილებელია. ამ ეტაპზე სამეგრელოში 329 პირია თვითიზოლაციაში. კარანტინში იმყოფება 26 ადამიანი, აქედან 12 იძულების წესით. 63 პირს თვითიზოლაციის ვადა დაუმთავრდა“, - ამბობს ოდიშარია.

ამავე ცნობით, ზუგდიდის ინფექციური საავადმყოფო და ფოთის ჰოსპიტალი მზადაა პაციენტები მიიღოს. ოდიშარია ამბობს, რომ დაწესებულებები შესაბამიის ინვენტარით აღჭურვილია.

ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ქართული პრესის მიმოხილვა 19.10.2020
ლევან ბოძაშვილი - კავკასიური კვანძი იხსნება და არა საქართველოს სასარგებლოდ, ჩვენთვის ახლა აუცილებლობას წარმოადგენს სრული პოლიტიკური და ინსტიტუციონალური სტაბილურობა