ოზურგეთში, სოფელ ნაღობილევის მოსახლეობის ინფორმაციით, დღეს დილით მარნეულიდან მათ სოფელში 3 პირი ჩავიდა. ადგილობრივების ინფორმაციით, ისინი ინერტული მასალების მომპოვებელი კომპანიის ავტობაზაზე არიან დასაქმებული და 6 პირთან ერთად ერთ- ერთ კერძო სახლში ცხოვრობენ.
ოზურგეთის საზოგადოებრივი ჯანდაცვის ცენტრის თანამშრომლებმა ყველა მათგანი შეამოწმეს და არც ერთს დაავადებისთვის დამახასიათებელი სიმპტომები არ აღმოაჩნდა.
კორონავირუსის წინააღმდეგ ბრძოლის ოზურგეთის შტაბის ხელმძღვანელის ინფორმაციით, უსაფრთხოების მიზნით მათი გადაყვანა საკარანტინო სივრცეში მოხდება.
„ამჟამად ცხრავე პირი სოფელ ნაღობილევში იზოლაციაში იმყოფება. ამ ადამიანებთან კონტაქტში მყოფი ყველა პირი იდენტიფიცირებულია და უახლოეს საათში ხსენებულ მოქალაქეებს საკარანტინო ზონაში გადაიყვანენ“, - აცხადებს კორონავირუსის წინააღმდეგ ბრძოლის ოზურგეთის შტაბის ხელმძღვანელი, ირაკლი სირაძე. ადგილზე მობილიზებულებია პოლიცია