დღეს, კახეთის მხარის სახელმწიფო რწმუნებული, ირაკლი ქადაგიშვილი და თელავის მუნიციპალიტეტის მერი, თელავში, პურის ერთ-ერთ საწარმოს ესტუმრნენ და სამუშაო პროცესს ადგილზე გაეცნენ.
„ყველა შესაბამისი პროცედურის დაცვით საწარმო ჩვეულ რეჟიმში მუშაობს. მომუშავე პერსონალი შესაბამისი ეკიპირებით არის აღჭურვილი, პურის გაყიდვა ხდება წესების დაცვით. ანალოგიურად, შემოწმებები ხდება ყველა იმ კრიტიკულად მნიშვნელოვანი ობიექტისა, სადაც პროდუქტი მზადდება. ეს ღონისძიებები ტარდება იმისთვის, რომ საგანგებო მდგომარეობის დროს მომუშავე ყველა საწარმო დაწესებულ ნორმებს შეესაბამებოდეს”, - აღნიშნა ქადაგიშვილმა.
„თელავის მუნიციპალიტეტში, საჯარო მოხელეების მიერ შექმნილია მოხალისეთა ჯგუფი, რომლებიც სასურსათო ობიექტებთან, საბანკო ტერმინალებთან, ბანკებთან, ფოსტასთან, მორიგეობენ და არეგულირებენ სიტუაციას, რათა მაქსიმალურად იქნას თავიდან აცილებული თავშეყრის შემთხვევების შექმნის შესაძლებლობა“, - აღნიშნა თელავის მუნიციპალიტეტის მერმა.