საქართველოს თავდაცვის მინისტრის, ირაკლი ღარიბაშვილის განცხადებით, მარნეულში მაღალი სტანდარტების გამშვები პუნქტები მოეწყო, სადაც ბლოკ-პოსტების ყველა სათანადო კომპონენტია.
მისი თქმით, თავდაცვის ძალები შსს-ს თანამშრომლებთან კოორდინირებული მუშაობით მარნეულის მუნიციპალიტეტში მოსახლეობას გადაადგილების რეგულირებაში ეხმარება.
„გუშინ საკოორდინაციო საბჭომ მიიღო გადაწყვეტილება, საქართველოს თავდაცვის ძალების ჩართვის შესახებ. ჩვენ წუხელ ღამით დავიწყეთ აქტიური მოქმედება, მთელი თავდაცვის ძალები არის სრულად მობილიზებული. აქ ჩვენ მოვაწყეთ, მაღალი სტანდარტის, შეიძლება ითქვას, ნატო-ს სტანდარტში, გამშვები პუნქტები, ბლოკ-პოსტების ყველა სათანადო კომპონენტია აქ წარმოდგენილი, თავისი სამედიცინო პუნქტითა და ექიმებით. ჩვენ მაქსიმალურად გვერდში ვუდგავართ შინაგან საქმეთა სამინისტროს და მათთან სრული კოორდინაციით ჩვენ ვეხმარებით ადგილობრივ მოსახლეობას გაადგილებაში და ზოგადად, ამ მოძრაობის დარეგულირებაში. ჩვენი სამხედროები არიან სრულად მობილიზებულები, არიან ძალიან ამაღლებული მოტივაციით და რა თქმა უნდა, ჩვენ ვართ იქ, სადაც ჩვენს ხალხსა და ქვეყანას სჭირდება“,- განაცხადა ღარიბაშვილმა.