ვასილ გველესიანი - "ჯორჯიან მანგანეზი" კორონავირუსის პრევენციისთვის შესაბამის ღონისძიებებს სისტემატურად ახორციელებს

ახალი კორონავირუსის პრევენციის მიზნით დაგეგმილ ღონისძიებათა ფარგლებში ზესტაფონის ფეროშენადნობთა ქარხნის დასაქმებულებს კლინიკა „ფერომედის“ ექიმთა ჯგუფი ესტუმრა.

როგორც „ინტერპრესნიუსს“ „ჯორჯიან მანგანეზიდან“ აცნობეს, სამედიცინო დაწესებულების სპეციალისტები პროდუქციის მწარმოებელ უბნებსა და საყოფაცხოვრებო ობიექტებზე საწარმოში დასაქმებულებს შეხვდნენ და მათ ჯანდაცვის მსოფლიო ორგანიზაციისა და საქართველოს ჯანდაცვის სამინისტროს რეკომენდაციები პირადად გააცნეს.

„კორონავირუსის პრევენციისთვის ჰიგიენის დაცვა და სოციალური დისტანცირება ახლა ყველაზე მთავარია, რაც ჩვენს საწარმოში დასაქმებულმა ადამიანებმა ძალიან კარგად იციან. თუმცა, აღნიშნულ თემაზე მედიკოსების მხრიდან რეკომენდაციებისა და დამატებითი განმარტებების გაკეთება აუცილებლობად ჩავთვალეთ.

„ჯორჯიან მანგანეზის“ საწარმოო ობიექტებზე უსაფრთხოების ზომები ყოველდღიურად აქტიურად ტარდება.

ჩვენი კომპანია კორონავირუსის პრევენციისთვის შესაბამის ღონისძიებებს სისტემატურად ახორციელებს, საწარმოო ობიექტებზე სადეზინფექციო სამუშაოები ტარდება, უზრუნველყოფილები ვართ რესპირატორებით, შენობებთან დამონტაჟებულია ანტისეპტიკური საშუალებები, ტერიტორია ყოველდღიურად მუშავდება სველი წესით, გრაფიკები გვაქვს დაწესებული სასადილოებსა და გასახდელებში, რათა 10 კაცზე მეტის შეკრება არ მოხდეს და სრულად დავიცვათ ყველა დადგენილი ნორმა. ექიმების დღევანდელი ვიზიტიც სწორედ ამას ემსახურება. ვფიქრობთ, სიფრთხილე შედეგს გამოიღებს, -განაცხადა ზესტაფონის ფეროშენადნობთა ქარხნის დირექტორმა ვასილ გველესიანმა.

კომპანიის ცნობითვე, აღსანიშნავია, რომ „ჯორჯიან მანგანეზი“ სახელმწიფო სტრუქტურებთან მუდმივ კოორდინაციაში იმყოფება და მთავრობის ყველა განკარგულებასა და რეკომენდაციას ზედმიწევნით ასრულებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)