ბათუმის ინფექციურ კლინიკაში მოთავსებული კორონავირუსით ინფიცირებული სამი ახალი პაციენტიდან ერთ-ერთი უცხო ქვეყნის მოქალაქეა, რომელსაც სპეციალური რეისით სამშობლოში დააბრუნებენ

კორონავირუსით ინფიცირებული სამი ახალი პაციენტი ბათუმის ინფექციურ საავადმყოფოში მკურნალობს. მათ ახალი კორონავირუსი დღეს დაუდგინდათ. როგორც აჭარის ჯანდაცვის მინისტრმა ზაალ მიქელაძემ სპეციალურ ბრიფინგზე განაცხადა, ინფიცირებული მოქალაქეების ჯანმრთელობის მდგომარეობა საშუალო სიმძიმისაა, მათ მინიმალური კლინიკური ნიშნები აღენიშნებათ.

მინისტრის თქმით, უცხო ქვეყნის მოქალაქეს, რომელიც ერთ-ერთ სასტუმროში თვითიზოლაციაში იმყოფებოდა, სპეციალური რეისით სამშობლოში დააბრუნებენ.

"უცხო ქვეყნის მოქალაქე თვითიზოლაციაში იმყოფებოდა, იგი ჩრდილოეთ ევროპიდან ჩამოვიდა. უცხო ქვეყნის მოქალაქეს, თავის ქვეყანაში ჩატარებული ჰქონდა კვლევა, რა მეთოდით არ ვიცით... თუმცა დღეს მიიღო შეტყობინება საეჭვო დადასტურების შესახებ, გვაცნობა და გადავიყვანეთ კლინიკაში. უცხო ქვეყნის მოქალაქეს დამატებით კვლევა ჩაუტარდა და აღმოჩნდა პასუხი დადებითი. იმ ქვეყანამ სურვილი გამოთქვა, რომ აგზავნის სპეციალურ რეისს მოქალაქის გასაყვანად. უცხო ქვეყნის მოქალაქე გვიან ღამით, თავის სამშობლოში დაბრუნდება. ანუ შემდგომში, კითხვები რომ არ იყოს, რატომ არის ერთით ნაკლები ინფიცირებული კლინიკაში.

მეორე მოქალაქეს ამერიკისა და საქართველოს მოქალაქეობა აქვს, მას არანაირი საეჭვო ნიშანი არ ჰქონია, გადაყვანილი იყო თვითიზოლაციის რეჟიმზე, რაც შემდგომში დაუდასტურდა.

ხოლო მესამე პაციენტი რამდენიმე საათია ქვეყანაში დაბრუნდა და ინფექცია დაუდასტურდა, მოგზაურობის ისტორიას ეპიდემოლოგები სწავლობენ",-განაცხადა მიქელაძემ.

მისივე თქმით, ბათუმის ინფექციურ კლინიკურ საავადმყოფოში ინფიცირებული 6 პაციენტია, მათი ჯანმრთელობის მდგომარეობა საშუალო სიმძიმისაა, მინიმალური კლინიკური ნიშნებით.

"ეპიდემოლოგების ჯგუფები სწავლობენ, ახალი ინფიცირებული მოქალაქეების მოგზაურობის ისტორიას. სასტუმროში მყოფთან, კონტაქტი მხოლოდ ერთ ადამიანს ჰქონდა, იგი თვითიზოლაციაში იყო. უცხო ქვეყნის მოქალაქე რომელიც პილოტი იყო, ამიტომ იმყოფებოდა თვითიზოლაციაში. ასევე თვითიზოლაციაში იყო ორმაგი მოქალაქეობის მქონე პირი, იგი აეროპორტიდან გადაყვანილი იყო თვითიზოლაციაში" ,- განაცხადა ზაალ მიქელაძემ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)