მარნეულის 30 მცხოვრები, რომლებიც საჩხერესა და ჭიათურაში ინფრასტრუქტურის სამუშაოებზე იყვნენ დასაქმებული, საჩხერეში კარანტინში მოათავსეს
საჩხერეში, სამედიცინო ცენტრთან არსებულ სასტუმროში მარნეულის 30 მკვიდრი შეიყვანეს. როგორც დაავადებათა კონტროლის იმერეთის სამმართველოს უფროსი გოჩა გიორგიძე აცხადებს, ისინი საჩხერესა და ჭიათურაში საგზაო სამუშაოებზე მუშაობდნენ.
მისი ინფორმაციით, მოქალაქეები რამდენიმე დღის ჩასული არიან საჩხერესა და ჭიათურაში, ამიტომ უსაფრთხოების მიზნით, კარანტინში გადაიყვანეს. მათგან რამდენიმეს ტემპერატურა დაუდასტურდა, თუმცა ჯერ კლინიკაში გადაყვანა არ გახდა აუცილებელი.
მისივე ინფორმაციით, აღნიშნულ პირებს დაინფიცირებულ მარნეულელ ქალთან კონტაქტი არ ჰქონიათ. ამ დროისთვის იმერეთის 4 საკარანტინო ზონაში 429 მოქალაქეა მოთავსებული. მათი ნაწილი საკარანტინო სივრცეს დატოვებს და თვითიზოლაციაში გადავა.
