კახეთში რეგიონში ეპიდსიტუაცია სატბილურია, დღეის მდგომარეობით ახალი კორონავირუსის არცერთი ლაბორატორიული შემთხვევა არ დადასტურებულა, - ამის შესახებ დაავადებათა კონტროლის კახეთის რეგიონულ განყოფილებაში განაცხადეს.
განყოფილების ხელმძღვანელის, ნელი ხიზანიშვილის თქმით, რეგიონში 7 საკარანტინე ლოკაციაზე 401 მოქალაქე იმყოფება, მათგან ორი პირი ტემპერატურის მომატების გამო, თბილისის სავადმყოფოში გადაიყვანეს და ელოდებიან კვლევის პასუხს.
თვითიზოლაციაში რეგიონის მასშტაბით 403 მოქალაქე იმყოფება, ხოლო 23-ს მეთვალყურეობის ვალდებულება მოეხსნა.
მისივე თქმით, ეთნიკურად აზერბაიჯანულ დასახლებაში საზოგადოებრივი ჯანდაცვის წარმომადგენლები ყველა საეჭვო შემთხვევას იკვლევენ. ამ ეტაპზე მარნეულის შემთხვევასთან არცერთი კონტაქტი ან კავშირი არ იკვეთება.