მამუკა ხაზარაძე - კორონავირუსთან საბრძოლველად თანხის ნაწილი, 30 000 ლარი სამედიცინო პერსონალის პრემია-დანამატებისთვის ინფექციურ საავადმყოფოში უკვე გადავრიცხეთ

პოლიტიკური გაერთიანება "ლელო საქართველოსთვის" დამფუძნებლის მამუკა ხაზარაძის განცხადებით ახალ კორონავირუსთან ბრძოლისკენ მიმართული ღონისძიებების ფარგლებში პირველადი შენატანის, 100 000 ლარის ნაწილი, რომელიც მისმა ოჯახმა ფონდს შესწირა ინფექციურ საავადმყოფოს უკვე გადაერიცხა. მამუკა ხაზარაძის განცხადებით, 30 000 ლარი სამედიცინო პერსონალის სახელფასო დანამატებისთვის არის განკუთვნილი.

როგორც ხაზარაძემ „პალიტრანიუსის“ გადაცემაში „360 გრადუსი“ განაცხადა, კორონავირუსს ქვეყანა დაამარცხებს, თუ იქნება მობილიზება და დისციპლინარულად მივყვებით ნაბიჯებს, რომელიც გასაკეთებელია.

"რაც შეეხება ჩემი ოჯახის შემოწირულობას, სამწუხაროდ, იცით, რომ ჩემი და ბადრი ჯაფარიძის ანგარიშები, აბსოლუტურად უკანონოდ და უსაფუძვლოდ, არის დაყადაღებული. შესაბამისად, ის წვლილი,რომლის საშუალებაც ამ ეტაპზე ჩემ ოჯახს ჰქონდა, 100 000 ლარი, პირველადი შენატანი, რაღაც ნაწილი უკვე გადავრიცხეთ ინფექციურ საავადმყოფოში, 30 000 ლარი პერსონალის პრემია-დანამატებისთვის, ასევე ჩვენმა კომპანიამ საჭირო აღჭურვილობის შესყიდვა დაიწყო, ნაწილი უკვე გაიგზავნა საავადმყოფოში. ვაპირებთ მსგავსი აღჭურვილობით ჩვენი ყოფილი კომპანიებიდან, ვინც შემოგვიერთდა ამ ინიციატივაში, სხვადასხვა მიმართულებით დახმარებას. ძირითადად ეს იქნება სამედიცინო პერსონალის და აღჭურვილობის უზრუნველსაყოფად. ახლა ვფიქრობთ, სერიოზული ფონდის გაკეთებას ბავშვთა დასახმარებლად, რადგან უპირველეს ყოვლისა ჩვენ ბავშვების და მოხუცების უზრუნველსაყოფად უნდა ვიზრუნოთ“,- განაცხადა მამუკა ხაზარაძემ.

მისივე თქმით, მათმა მხარდამჭერებმა ხანდაზმულებს უკვე დაურიგეს საკვები.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა