შსს - ჩვენი თანამშრომლები თავდაცვის ძალების წარმომადგენლებთან ერთად საგუშაგოებზე 24 საათის განმავლობაში აგრძელებენ წესრიგის დაცვას
შინაგან საქმეთა სამინისტროს თანამშრომლები, სახელმწიფო უსაფრთხოების სამსახურთან კოორდინაციით, თავდაცვის ძალების წარმომადგენლებთან ერთად საგუშაგოებზე 24 საათის განმავლობაში აგრძელებენ წესრიგის დაცვას. ამის შესახებ „ინტერპრესნიუსს“ შსს-დან აცნობეს.
უწყების ინფორმაციით, ძირითად გზებზე განთავსებულია საკონტროლო გამშვები საგუშაგოები, ხოლო მეორე ხარისხოვანი გზები მობილური ჯგუფების მიერ კონტროლდება.
„პოლიციის თანამშრომლები საზოგადოებრივი უსაფრთხოების დასაცავად მუნიციპალიტეტების ქალაქებსა და სოფლებში ინტენსიურად პატრულირებენ“, - აცხადებენ შსს-ში.
იხილეთ ვიდეო: შსს ინფორმაციით, წესრიგის დაცვა საგუშაგოებზე 24 საათის განმავლობაში გრძელდება
