ბათუმის ინფექციური საავადმყოფოს ბოქსირებულ განყოფილებაში მყოფ მოქალაქეებს, რომლებსაც კორონავირუსი დაუდასტურდათ, თავს კარგად გრძნობენ. ამის შესახებ კლინიკაში განაცხადეს.
მათივე ცნობით, ოთხიდან ტემპერატურა მხოლოდ ერთს აღენიშნება.
ამასთან, ბათუმის ინფექციურ საავადმყოფოში, ოთხი მოქალაქე კორონავირუსზე ლაბორატორიული კვლევის შედეგებს ელოდება. ისინი საკარანტინო სივრციდან არიან გადაყვანილი.
საკარანტინო სივრცეში კი 1100 პირია მოთავსებული, ასევე 200-ზე მეტი პირი თვითიზოლაციაშია.