ზუგდიდის ინფექციურ საავადმყოფოში 67 წლამდე მამაკაცი კორონავირუსისთვის დამახასიათებელი ნიშნებით მოათავსეს
ზუგდიდის ინფექციურ საავადმყოფოში 67 წლამდე მამაკაცი კორონავირუსისთვის დამახასიათებლი ნიშნებით მოათავსეს. ამის შესახებ ჟურნალისტებს რეგიონის საზოგადოებრივი ჯანდაცვის ცენტრის ხელმძღვანლმა ნანა ოდიშარიამ განუცხადა. მისივე თქმით, პაციენტს თურქეთში მოგზაურობის ისტორია აქვს და საქართველოში 20 მარტს ჩამოვიდა.
ოდიშარია ამბობს, რომ პაციენტი თვითიზოლაციაში იმყოფებოდა და ამ დრომდე ვირუსისთვის დამახასიათებელი სიმპტომები არ ჰქონია.
„პაციენტი იყო თვითიზოლაციაში. ის საქართველოში თურქეთიდან ჩამოვიდა 20 მარტს, ზედმიწევნით იცავდა თვითიზოლაციის წესებს. ყოველდღიურ რეჟიმში ვაკვირდებოდით. ტემპერატურა გუშინდელ დღემდე არ ჰქონდა. გუშინ საღამოს აუწია და გადმოყვანილ იქნა ინფექციურ საავადმყოფოში“, - ამბობს ნანა ოდიშარია.
ინფექციურ საავადმყოფოში მაღალი ტემპერატურით კიდევ ერთი პირი იმყოფება, რომელიც ანაკლიაში არსებული საკარანტინო ზონიდან გადმოიყვანეს.
v-if="article.gallery" v-html="article.gallery"
