ზუგდიდის საბავშვო ბაგა-ბაღების აღსაზრდელების მშობლები საკვები პროდუქტების მიღებას დღეიდან შეძლებენ. ამის შესახებ „ინტერპრესნიუსს“ ზუგდიდის მუნიციპალიტეტის მერიიდან აცნობეს. მათივე ცნობით, პროდუქტების გაცემისთვის პროცესს სამეგრელო-ზემო სვანეთის სახელმწიფო რწმუნებული ზუგდიდის მერთან ერთად დაესწრო.
„ამ ეტაპზე ბაღის ყველა აღსაზრდელისთვის ორი კვირაზე გათვლილ პროდუქტს გასცემენ, იქნება დამატებით მეორე ეტაპიც. ბაღებში უკვე ჩატარდა სადეზინფექციო სამუშაოები, მშობლებისთვის პროდუქტების წასაღებად შექმნილია გრაფიკი, ადგილზე რიგებს კი მოხალისეები აწესრიგებენ. ბაღის აღსაზრდელებისთვის გაცდენილი დღეების ულუფის გადაცემა ზუგდიდის მსგავსად, რეგიონის ყველა მუნიციპალიტეტში მოხდება“, - ნათქვამია ინფორმაციაში.