წყალტუბოს მუნიციპალიტეტში სადეზინფექციო სამუშაოები გრძელდება

წყალტუბოს მუნიციპალიტეტში სადეზინფექციო სამუშაოები გრძელდება. დღეს შპს „ჰიგიას" წარმომადგენლებმა სპეციალური ხსნარით დაამუშავეს სანატორიუმები, ასევე სასურსათო მაღაზიები და ბანკები.

იმერეთში სახელმწიფო რწმუნებულის პრესსამსახურის ინფორმაციით, დეზინფექცია ჩატარებული აქვს ყველა საჯარო დაწესებულებას, სატრანსპორტო საშუალებებს, დარიგებულია სპეციალური ხსნარები, იგეგმება მრავალბინიანი საერთო საცხოვრებლი კორპუსების დეზინფექცია.

ამ დროისთვის წყალტუბოს მუნიციპალიტეტში მშვიდი ვითარებაა, ადგილობრივი თვითმმართველობა უსაფრთხოების ნორმების დაცვის მხრივ ვითარებას შესაბამისი სტრუქტურების წარმომადგენლებთან ერთად აკონტროლებს.

თვითიზოლაციაში იმყოფება 28 მოქალაქე, კორონავირუსით დაინფეცირების შემთხვევა დაფიქსირებული არ არის.

აკრძალულია საქალაქათაშორისო ტრანსპორტის მოძრაობა, დღეს დილიდან შეზღუდული გრაფიკით მოძრაობს ტრანსპორტი სოფლების მიმართულებით.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს