კორონავირუსისგან განკურნებულ 10 პაციენტს შორის ე.წ. #4 პაციენტიცაა, რომლის ჯანმრთელობის მდგომარეობა მძიმე იყო. როგორც
"ინტერპრესნიუსს" ინფექციურ საავადმყოფოში განუცხადეს, 44 წლის მამაკაცი კლინიკიდან უკვე გაეწერა.
"გამოჯანმრთელებული პაციენტი გუშინ გაეწერა. ის კლინიკაში 20 დღის მანძილზე მკურნალობდა", - განაცხადეს ინფექციურ საავადმყოფოში.
შეგახსენებთ, კორონავირუსის მე-4 შემთხვევა საქართველოში 5 მარტს დაფიქსირდა. 44 წლის მამაკაცი საქართველოს მოქალაქეა, რომელმაც იტალიაში იმოგზაურა, საქართველოში დაბრუნების შემდეგ კი სიმპტომები განუვითარდა. მისი მდგომარეობა 2 კვირის განმავლობაში მძიმე იყო. მას ორმხრივი პნევმონია აღენიშნებოდა.