კახეთის საავადმყოფოები დღეიდან კორონავირუსის დამახასიათებელი სიმპტომების მქონე პაციენტებს მიიღებს

კახეთის საავადმყოფოები დღეიდან კორონავირუსის დამახასიათებელი სიმპტომების მქონე პაციენტებს მიიღებს. რეგიონის მასშტაბით ოთხი კლინიკა მოამზადეს, სადაც პაციენტების მიღება და შესაბამისი მკურნალობის ჩატარება მოხდება.

თელავის რეფერალური საავადმყოფოს დირექტორის განმარტებით, ადგილზე პაციენტებს აუღებენ ანალიზს და ლუგარის ლაბორატორიაში გადააგზავნიან. საავადმყოფომ სხვა პაციენტების მიღება გუშინ შეაჩერა და სტაციონარიდან მოქალაქეები, რომლებიც სხვადასხვა დაავადებებზე მკურნალობდნენ სხვა სამედიცინო დაწესებულებებში გადაანაწილა. საავადმყოფო covid19-ით შესაძლო დაინფიცებული 55 პაციენტის მიიღებას შეძლებს.

"დღეიდან უკვე შეგვიძლია პაციენტების მიღება. სრულად ვართ მომზადებული, როგორც კლინიკა, ასევე პერსონალი. კორონავირუსის დამახასიათებელი სიმპტომის მქონე 55-მდე პაციენტზეა გათვლილი, გვაქვს ბოქსირებული, იზოლირებული განყოფილებები", - განაცხადა ხათუნა ჭონიაშვილმა.

კახეთის რეგიონის მასშტაბით, ამ ეტაპზე ინფიცირების არც ერთი შემთხვევა არ გამოვლენილა. ლაბორატორიაში გაგზავნილი კვლევის ყველა პასუხები Covid 19 ვირუსზე უარყოფითია. დაავადებათა კონტროლის კახეთის რეგიონულ განყოფილების უფროსის, ნელი ხიზანიშვილის თქმით, გაიზარდა თვითიზოლაციაში მყოფი პირების რაოდენობა და 452-ია, ხოლო 8 საკარანტინო ლოკაციაზე 528 მოქალაქე იმყოფება. მათგან არცერთს არ აღენიშნება ვირუსის დამახასიაათებელი სიმპტომი.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს