რესპუბლიკური საავადმყოფოს დირექტორის ლევან გოფოძის განცხადებით, კლინიკაში ამჟამად 7 სამხედრო მოსამსახურე წევს და ყველა მათგანის ჯანმრთელობის მდგომარეობა დამაკმაყოფილებელია. ლევან გოფოძის თქმით, რესპუბლიკურ საავადმყოფოში მოთავსებული ყველა ჯარისკაცი მარნეულის საკარანტინო ზონაში არ იმყოფებოდა.

„სამხედრო ნაწილიდან გვყავს რამდენიმე ადამიანი, 7 სამხედრო მოსამსახურეა, ძირითადად ჯარისკაცები. მათი მდგომარეობა დამაკმაყოფილებელია. მართალია ჩვენთან შემოვიდნენ ცხელებით, მაგრამ ახლა ცხელება არც ერთ მათგანს არ აღენიშნება და შესაძლებელია მათი გატესტვაც მოხდეს სათანადო რეჟიმში. პასუხების შემდეგ გადაწყდება სად წავიდნენ, კარანტინის ზონაში გადავლენ თუ თვითიზოლაციაში. მარნეულის ზონიდანაც გვყავს ჯარისკაცები, ერთი ჯარისკაცი კი დმანისიდანაა,“- განაცხადა ლევან გოფოძემ.

იხილეთ ვიდეო: რესპუბლიკური საავადმყოფოს დირექტორის განცხადებით, კლინიკაში მყოფი 7 სამხედროს მდგომარეობა დამაკმაყოფილებელია