მარნეულის მუნიციპალიტეტის მერის ზაურ დარგალის ინფორმაციით, ჯერჯერობით, ადამიანებს, რომლებსაც ე.წ. სწრაფი ტესტით შემოწმება ჩაუტარდათ, კორონავირუსი არ დაუდგინდათ. ამის შესახებ მან ჟურნალისტებს განუცხადა.

„სწრაფ ტესტთან დაკავშირებით იცით, რომ საველე ჰოსპიტალში პროცესი მიმდინარებს. ამ წუთის მონაცემებით, არც ერთ ადამიანს, ვისაც ტესტი ჩაუტარდა, ვირუსი არ დაუდგინდა. 19 დღის ბავშვის შედეგებიც არის და ვირუსი მასაც არ დაუდასტურდა“,- განაცხადა დარგალმა.

მარნეულის მუნიციპალიტეტის მერის განმარტებით, ბანკებთან ხალხმრავლობა არის, თუმცა დისტანცია დაცულია. მისი თქმით, მოსახლეობის ინფორმირებულობისთვის საინფორმაცია კამპანია გრძელდება.

“ ბანკებთან ხალხმრავლობა არის, თუმცა ჩვენი ზედამხედველობის სამსახური შინაგან საქმეთა სამინისტროსთან ერთად სიტუაციას აკონტროლებს და დისტანცია ყველგან დაცულია. როგორც გუშინ და გუშინწინ, ხმოვანი ავტომობილი სამ ენაზე აწვდის მოსახლეობას ინფორმაციას. ასევე, ორი დღეა აზერბაიჯანულ, სომხურ ენაზე გაზეთებსა და ფლაერებს სოფლებში ვავრცელებთ“,-აღნიშნავს დარგალი.