სავაჭრო-სამრეწველო პალატის ,,ბიზნესის კვლევების სახლი“ დისტანციური სწავლების საკითხზე კვლევას იწყებს

საქართველოს სავაჭრო-სამრეწველო პალატის მიერ დაფუძნებული ,,ბიზნესის კვლევების სახლი“ - დისტანციურ სწავლებასთან დაკავშირებით პირველი კვლევის ჩატარებას გეგმავს, - ამის შესახებ „ინტერპრესნიუსს “სავაჭრო-სამრეწველო პალატიდან აცნობეს. მათივე ინფორმაციით, აღნიშნული თემის გარშემო ორგანიზაციის ხელმძღვანელმა გიორგი აბაშიშვილმა და პალატის გენერალური დირექტორის მოადგილემ, მაგდა ბოლოთაშვილმა ექვს რეგიონულ უნივერსიტეტთან დღეს გამართულ ონლაინ კონფერენციზე ისაუბრეს. ასევე, აკადემიურ პერსონალს გააცნეს ის კვლევის მოდელი, რომელიც ორგანიზაციის მიერ არის შემუშავებული.

გიორგი აბაშიშვილის განცხადებით, დისტანციური სწავლება მეტ საკანონმდებლო რეგულირებას საჭიროებს, ვინაიდან ამ ეტაპზე არ არის სათანადოდ დარეგულირებელი და პირველადი დაკვირვებით სჯობს სწრაფი გადაწყვეტილებების მიღება ამ მხრივ. ,,ამას ემსახურება ჩვენ მიერ დაწყებული კვლევაც. მსგასი ფორმატის მიზანია გვქონდეს კომუნიკაცია უნივერსიტეტებთან. გავიგოთ უშუალოდ, თუ რა უშლით ხელს დისტანციური სწავლებისას და რა წინააღმდეგობებს აწყდებიან, რამდენად არის ეფექტური ამ სწავლების მეთოდით სარგებლობა. გარდა ამისა, მივიღოთ რჩევები და რეკომენდაციები მათგან, რომ ვიცოდეთ, რა მიმართულებით გაკეთდეს აქცენტები და რა იქნება უფრო ეფექტური საკითხის კვლევისას. გვინდა, რომ ხელი შევუწყოთ მეტი შემოსავლის მიღებას ქვეყანაში განათლების მიმართულებით, მივიღოთ მეტი უცხოელი სტუდენტი და მეტი ადგილობრივი სტუდენტი ჩაერთოს დისტანციური სწავლებაში. ჰქონდეთ ახალგაზრდებს თავისუფალი და მოქნილი სასწავლო გარემო შესაბამისი განათლებისა და ცოდნის მისაღებად’’, - განაცხადა გიორგი აბაშიშვილმა.

ონლაინ კონფერენციაში მონაწილეობა ბათუმის, ზუგდიდის, ქუთაისის, ახალციხის, გორისა და თელავის უმაღლესმა სასწავლებლებმა მიიღეს. ,,ბიზნესის კვლევების სახლი“ - შემდეგ შეხვედრას თბილისში მდებარე უნივერსიტეტებთან გეგმავს, რის შემდეგაც საკითხზე მუშაობას დაიწყებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!