დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილის პაატა იმნაძის განცხადებით, ბოლნისიდან ორსული ქალის გადმოყვანა თბილისში მხოლოდ იმიტომ მოხდა, რომ ის ორსულად იყო.

როგორც მან უწყებათაშორისი საბჭოს დასრულების შემდეგ განაცხადა, ორსული ქალის მდგომარეობა დამაკმაყოფილებელია.

"ჩვენი ჯგუფები მუშაობენ მუდმივად მარნეულისა და ბოლნისის რაიონებში და ყველა კონტაქტის გამოკვლევა მიმდინარეობს. ასევე ნებისმიერი შესაძლო შემთხვევის გამოკვლევა. ეს ქალბატონი სწორედ ასე ჩვენი ჯგუფის მიერ იქნა აღმოჩენილი. მისი მდგომარეობა არის დამაკმაყოფილებელი, უბრალოდ ორსულია და ამიტომ გადმოვიყვანეთ თბილისში," - განაცხადა იმნაძემ.