კორონავირუსის გავრცელების პრევენციის მიზნით, გარდაბნის მუნიციპალიტეტში საინფორმაციო კამპანია აქტიურად მიმდინარეობს. გარდაბანში შექმნილმა მოხალისეთა ჯგუფმა, საკრებულოს დეპუტატებთან და მერის წარმომადგნლებთან ერთად, სოფელ ბირლიკში, თაზაქენდსა და ნაზარლოში საველე საინფორმაციო კამპანია გამართეს.
საინფორმაციო კამპანიის ფარგლებში, ადგილობრივ მცხოვრებლებს COVID-19-ის შესახებ, ინფექციის გავრცელების შესაძლო რისკებზე და რეკომენდაციებზე ქართულ და აზერბაიჯანულ ენაზე დეტალურ ინფორმაცია მიეწოდათ, დაურიგდა ორენოვანი საინფორმაციო ფლაერები. პრევენციული ღონისძიებების ფარგლებში გარდაბნის მუნიციპალიტეტში დეზინფექცია ტარდება მრავალსართულიანი საცხოვრებელი კორპუსების სადარბაზოებში, მუნიციპალურ შენობებში, ასევე სპეციალური სადეზინფექციო ხსნარით მუშავდება ეზოებში და სკვერებში არსებული ბავშვთა გასართობი მოედნები და ატრაქციონები.