კორონავირუსის გავრცელების პრევენციის მიზნით, ყოველ დილით სპეციალური ხსნარებით მუშავდება საავტომობილო გზები. ამის შესახებ “ინტერპრესნიუსს” ბორჯომის მუნიციპალიტეტიდან აცნობეს.
მათი ცნობით, ინტენსიურ რეჟიმში ხდება ასევე საფეხმავლო ბილიკებისა და მუნიციპალიტეტის მასშტაბით, ავტომოსაცდელებისა და სანაგვე ურნების რეცხვა-დეზინფექცია.
“დეზინფექცია უტარდება ასევე სკვერებს, სატრენაჟორო სივრცეებს, სპორტულ მოედნებსა და ცენტრალური გზის გამყოლ მოაჯირებს. სამუშაოებს „ბორჯომის დასუფთავებისა და კეთილმოწყობის სამსახურის“ თანამშრომლები აწარმოებენ.
პარალელურად სამსახური მუნიციპალიტეტში მასშტაბურ საგაზაფხულო დასუფთავებით სამუშაოებს ასრულებს. ბორჯომის მუნიციპალიტეტში ამოქმედებულია ცხელი ხაზი (0367) 22-33-55; (0367) 22-44-99; მოქალაქეებს 24 საათის განმავლობაში შეუძლიათ დაუკავშირდნენ ადგილობრივ ხელისუფლებას”, - ნათქვამია ინფორმაციაში.