კორონავირუსის შედეგად გამოწვეული უმუშევრობის გამო დახმარების მიღებაზე განცხადება აშშ-ში 3.3 მილიონმა ადამიანმა შეავსო. ამ ინფორმაციას BBC აშშ-ის შრომის დეპარტამენტზე დაყრდნობით ავრცელებს.
უმუშევრობის ზრდა ქვეყანაში არსებული ათასობით რესტორნის, კაფეს, თეატრის, სპორტული დარბაზისა და სხვა დაწესებულებების დახურვის შედეგია. სპეციალისტების ვარაუდით, აშშ-ში უმუშევრობის დონე 6.5%-მდე გაიზრდება.
გამოცემის ცნობით, ამ მასშტაბით სამსახურის დაკარგვა და დახმარების მიღებაზე მოთხოვნა ქვეყანაში არასოდეს ყოფილა. აქამდე არსებულ რეკორდულ მაჩვენებლად 1982 წელი ითვლებოდა, როდესაც სამსახური 695 000-მა ადამიანმა დაკარგა.