თეა წულუკიანი - პენიტენციური დაწესებულებები კორონავირუსის აღმოფხვრამდე კიდევ უფრო ჩაკეტილი გახდება

პენიტენციური დაწესებულებები კორონავირუსის აღმოფხვრამდე კიდევ უფრო ჩაკეტილი გახდება, შესაბამის გეგმაზე მუშაობა უკვე მიმდინარეობს. როგორც იუსტიციის მინსიტრმა თეა წულუკიანმა განაცხადა, გეგმა მომავალ კვირას გასაჯაროვდება.

„მე მინდა დღეს დავაანონსო, რომ მომავალი კვირის დასაწყისში ჩვენ პირველ რიგში თანამშრომლებს, ასევე პატიმრებს და შემდეგ უკვე ფართო საზოგადოებას გავაცნობთ გეგმას, რომელზეც ვმუშაობთ და რომელიც გულისხმობს იმას, რომ პენიტენციური დაწესებულებები კორონავირუსის აღმოფხვრამდე გახდეს კიდევ უფრო ჩაკეტილი და დახურული იმისათვის, რომ არ მოხდეს გარედან შიგნით ვირუსის იმპორტი.

ეს არ გულისხმობს იმას, პატიმრების გასაგონად ვამბობ, რომ ე.წ. ზონაში მყოფი მსჯავრდებულები მოხვდებიან დახურულ ციხეებში. ეს ამას არ ნიშნავს. თუმცა, მათ მიმართ მექნებოდა რჩევა, რეკომენდაცია, რომ ვინაიდან დადგა გაზაფხული და ასეულობით ე.წ. ზონაში მყოფი მსჯავრდებული იმყოფება ციხის შიდა ეზოში, მათ უნდა დაიცვან ჯანდაცვის სისტემის მიერ გაცემული რეკომენდაციები, რაც შეეხება ერთმანეთისგან დისტანაციას და სხვადასხვა წესს, რომელიც ციხის პირობებში ყოველდღიურ რეჟიმში ვრცელდება და პატიმრებთან კომუნიკაცია მიმდინარეობს,“- განაცხადა თეა წულუკიანმა.

მისივე თქმით, გეგმა გულისხმობს იმას, რომ რაც შეიძლება ნაკლებმა თანამშრომელმა იაროს ციხიდან სახლში.

„ეს გეგმა მუშავდება და ჩვენი მიზანია, რომ კორონავირუსის აღმოფხვრამდე ციხეები გახდეს მაქსიმალურად კარჩაკეტილი. ამიტომ ყველა ოჯახს მინდა მოვუწოდო, ნუ მოინდომებენ ციხეში ისეთი ადამიანების შეგზავნას ამბის გამოსატანად, რომლებსაც არავითარი საჭიროება ამ მომენტისთვის არ აქვს. ადვოკატებიც აუცილებელია, რომ ციხეში შედიოდნენ მხოლოდ მაშინ, თუკი საქმე ეხება საქმის გასაჩივრებას, სხვა საპროცედურო საჭიროებებს.

და ბოლოს, ოჯახების დასამშვიდებლად ვიტყვი, რომ ციხეების მაღაზიებში არსებობს საკმარისზე მეტი პროდუქტი, პატიმრების კვებაზე მომუშავე კომპანია მუშაობს 24-საათიან რეჟიმში კარგად, მონდომებით და გამართულად და არავითარი კვების ან სხვა ტიპის პრობლემა პატიმრებს არ გააჩნიათ. ასევე, მედიკამენტების საკმარისზე მეტი მარაგი არსებობს 15-ვე პენიტენციურ დაწესებულებაში,“ - განაცხადა თეა წულუკიანმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა