თავდაცვის მინისტრმა მართვის ცენტრიდან ქართველ მშვიდობისმყოფელებს მიმართა

თავდაცვის მინისტრმა, ირაკლი ღარიბაშვილი სამინისტროს სამხედრო მართვის ცენტრიდან ვიდეოკონფერენციის საშუალებით ავღანეთსა და ცენტრალური აფრიკის რესპუბლიკაში სამშვიდობო მისიებში მყოფ ქართველ სამხედრო მოსამსახურეებს გაესაუბრა. ამის შესახებ „ინტერპრესნიუსს” თავდაცვის სამინისტროდან აცნობეს.

მათი ინფორმაციით, თავდაცვის მინისტრმა ავღანეთის ისლამურ რესპუბლიკაში - ქაბულში, ბაგრამსა და მაზარ-ი-შარიფში, ასევე ცენტრალური აფრიკის რესპუბლიკაში დისლოცირებული ქვედანაყოფების მეთაურებისგან და ავღანეთში უფროსი სამხედრო წარმომადგენლობისგან ადგილზე არსებული მდგომარეობის შესახებ დეტალური ინფორმაცია მიიღო.

„მტკიცე მხარდამჭერის“ მისიის შტაბის უფროსის მოადგილემ უსაფრთხოების საკითხებში, ბრიგადის გენერალმა ნიკოლოზ ჯანჯღავამ ავღანეთში პანდემიის გავრცელების კუთხით არსებულ ვითარებაზე ისაუბრა და აღნიშნა, რომ კორონავირუსის პრევენციის მიზნით ნატოს „მტკიცე მხარდაჭერის მისიის“ ხელმძღვანელობამ უპრეცედენტოდ მკაცრი ზომები მიიღო. ბაზებზე დახურულია სპორტული დარბაზები, სამხედროები იცავენ ორი მეტის დისტანციას და შეზღუდულია ურთიერთობა უცხო პირებთან. ყველა ქვედანაყოფის მეთაურის ინფორმაციით, ქართველი სამშვიდობოები თავს კარგად გრძნობენ, ჯანმრთელად არიან, იცავენ დადგენილ წესებს და კორონავირუსის გავრცელების თავიდან ასაცილებლად ყველანაირ პრევენციულ ზომას იღებენ. მნიშვნელოვანია, რომ იმ ბაზებზე, სადაც ქართველი სამხედროები ასრულებენ მისიას კორონავირუსის არცერთი შემთხვევა არ დაფიქსირებულა.

თავდაცვის მინისტრმა ქართველ სამშვიდობოებს კორონავირუსის შესაძლო გავრცელების პრევენციის მიზნით მაქსიმალური მობილიზაციისკენ მოუწოდა და საქართველოში გატარებული ღონისძიებები გააცნო. მისი განცხადებით, თავდაცვის სამინისტრო აქტიურად არის ჩართული გლობალურ საფრთხესთან ბრძოლაში და მთავრობასთან კოორდინირებული მოქმედებებით ებრძვის კორონავირუსის პანდემიას.

ვიდეოკონფერენციას საქართველოს თავდაცვის მინისტრის მოადგილე ჯუანშერ ბურჭულაძე, თავდაცვის ძალების მეთაურის მოვალეობის შემსრულებელი, გენერალ-მაიორი ზაზა ჩხაიძე და თავდაცვის ძალების მეთაურის მოადგილის მოვალეობის შემსრულებელი, ბრიგადის გენერალი ირაკლი ძნელაძე დაესწრნენ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)