გაერთიანებული სამეფოს საგარეო და თანამეგობრობის საქმეთა მინისტრმა, დომინიკ რააბმა, საქართველოს პრეზიდენტ სალომე ზურაბიშვილს „ტვიტერის“ გვერდზე ბრიტანეთისთვის გამოცხადებული სოლიდარობისთვის მადლობა გადაუხადა. ამის შესახებ ინფორმაციას გაერთიანებული სამეფოს საელჩო ავრცელებს.

„ამ უპრეცედენტო ვითარებაში, საერთაშორისო თანამეგობრობა ერთიანი ძალებით უნდა გაუმკლავდეს ამ კრიზისს. ძალა ერთობაშია! დიდი ბრიტანეთი COVID-19-თან ბრძოლაში ქართველი ხალხის გვერდით დგას. დარჩი სახლში! “- ნათქვამია დომინიკ რააბის განცხადებაში.