ალექსანდრე მოწერელია ხობში დროებითი სამუშაო ჯგუფის წევრებს შეხვდა

სამეგრელო-ზემო სვანეთის სახელმწიფო რწმუნებული ალექსანდრე მოწერელია რეგიონში კორონავირუსის პრევენციის ფარგლებში ჩატარებულ ღონისძიებებს და გასატარებელ სამუშაოებს უშუალოდ მუნიციპალიტეტებში ეცნობა. ამის შესახებ „ინტერპრესნიუსს“ სამეგრელო-ზემო სვანეთის სახელმწიფო რწმუნებულის ადმინისტრაციიდან აცნობეს.

მათივე ცნობით, სახელმწიფო რწმუნებული ამჯერად ხობში, მის მოადგილესთან ლუდუკ ხასიასთან ერთად კორონავირუსის პრევენციის დროებითი სამუშაო ჯგუფების წევრებს შეხვდა.

„შეხვედრაზე მიმოიხილეს უწყებათაშორისი საკოორდინაციო საბჭოს მიერ შემოღებული შეზღუდვების აღსრულების საკითხები, განხორციელებული აქტივობები და კოორდინირებული მუშაობის გეგმები. ალექსანდრე მოწერელია დაინტერესდა ხობში თვითიზოლაციაში მყოფი ადამიანების საკითხით. საზოგადოებრივი ჯანდაცვის ცენტრის ხელმძღვანელის შორენა საბახტარაშვილის და პოლიციის უფროსის დავით პაპავას ინფორმაციით თვითიზოლაციაში მყოფი ადამიანები დღეში რამდენჯერმე მოწმდებიან და აკვირდებიან რამდენად კარგად იცავენ თვითიზოლაციის წესებს. ხობში ამ დროისთვის, თვითიზოლაციაში 40 მოქალაქე, ხოლო საკარანტინო ზონაში 4 მოქალაქე იმყოფება. შეხვედრას ხობის მერი, პოლიციის რაიონული სამმართველოს უფროსი და საზოგადოებრივი ჯანდაცვის ცენტრის ხელმძღვანელი ესწრებოდნენ. სახელმწიფო რწმუნებულმა უწყებების წარმომადგენლებს კოორდინირებული მუშაობისთვის მადლობა გადაუხადა“, - ნათქვამია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა