აზერბაიჯანში კორონავირუსით დაინფიცირებულთა რაოდენობამ 165-მდე მიაღწია, საიდანაც 43 ახალი შემთხვევა ბოლო დღე-ღამის განმავლობაში გამოვლინდა. ამის შესახებ მთავრობასთან არსებული ოპერატიული შტაბი იუწყება.

დაინფიცირებულთაგან 15 გამოჯანმრთელდა, გარდაცვლილია 3 ადამიანი. შტაბის ინფორმაციით, 147 დაინფიცირებული ექიმების მეთვალყურეობის ქვეშ იმყოფებიან, რომელთაგან ექვსის მდგომარეობა მძიმეა, 11 საშუალო სიმძიმის, დანარჩენების - სტაბილური. კარანტინში იმყოფება 3485 ადამიანი.