გორში ავტოსაგზაო შემთხვევის შედეგად 1 ადამიანი გარდაიცვალა, 2 კი დაშავდა

გორი-ერგნეთის საავტომობილო გზაზე, სოფელ კარალეთთან მომხდარი ავარიის შედეგად 1 ადამიანი გარდაიცვალა, 2 კი დაშავდა. დაშავებულები სასწრაფო დახმარების ჯგუფებმა კლინიკა ,,გორმედში“ გადაიყვანეს.

მორიგე ქირურგის, ლექსო ხეთაგურის ინფორმაციით, ერთი პაციენტის, 18 წლის ახალგაზრდის მდგომარეობა მძიმეა, იგი კრიტიკული მედიცინის დეპარტამენტშია მოთავსებული და შესაბამისი მკურნალობა უტარდება, მეორეს კი ამბულატორიული დახმარება გაეწია და კლინიკა უკვე დატოვა.

,,ავარიის შედეგად კლინიკაში ორი პაციენტი შემოიყვანეს. ერთის მდგომარეობა სტაბილურად მძიმეა, იგი გადაყვანილია კრიტიკული მედიცინის დეპარტამენტში და დაწყებულია შესაბამისი მკურნალობა. რაც შეეხება მეორე პაციენტს, მას ზედა კიდურზე აღენიშნებოდა მსუბუქი ტრავმა, ტრავმატოლოგის მხრიდან გაეწია შესაბამისი სამედიცინო დახმარება, ჩაუტარდა ყველა საჭირო კვლევა და გაეწერა ბინაზე.

აღნიშნული ორი დაშავებულის გარდა, სასწრაფო დახმარების ჯგუფმა შემთხვევის ადგილიდან კიდევ ერთი პირი გადმოიყვანა, თუმცა, კლინიკაში შემოყვანისას გვამი იყო“, - განაცხადა ,,ინტერპრესნიუსთან“ საუბრისას ლექსო ხეთაგურმა.

მომხდარ ფაქტზე გამოძიება საქართველოს სისხლის სამართლის კოდექსის 276-ე მუხლის მე-6 ნაწილით მიმდინარეობს.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა