კახეთიდან საეჭვო სიმპტომებით თბილისის საავადმყოფოში გადაყვანილ მამაკაცს კორონავირუსი არ დაუდასტურდა. 50 წლამდე კაცი გურჯაანის მუნიციპალიტეტში ცხოვრობას და უცხოეთში მოგზაურობის გამო თვითიზოლაციაში იმყოფებოდა. ამის შესახებ დავადებათა კონტროლის კახეთის განყოფილების უფროსმა ნელი ხიზანიშვილმა განაცხადა.
რაც შეეხება რეგიონის მასშტაბით საკარანტინე ზონაში მყოფ მოქალაქებს, მათი რაოდენობა გაიზარდა. ნელი ხიზანიშვილის თქმით, სამ მუნიციპალიტეტის 9 საკარანტინე ზონაში უცხო ქვეყნიდან დაბრუნებული 555 ადამიანი იმყოფება.მათი ჯანმრთელობის მდგომარეობა დამაკმაყოფილებლია. თვითიზოლაცია კი 112 პირს მოეხსნა და 360 ადამიანი საინკუბაციო პერიოდის დასრულებამდე სპეციალისტების კონტროლის ქვეშ რჩება.