რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციაში საკონსულტაციო საბჭოს სხდომა გაიმართა

რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციაში მორიგი საკონსულტაციო საბჭოს სხდომა გაიმართა, რომელსაც მხარის რწმუნებული არჩილ ჯაფარიძე უძღვებოდა, -ამის შესახებ „ინტერპრესნიუსს“ რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციიდან აცნობეს.

მათივე ინფორმაციით, შექმნილი მდგომარეობიდან გამომდინარე და კორონავირუსის გავრცელების პრევენციის მიზნით, სხდომა ონლაინ რეჟიმში მიმდინარეობდა, სადაც რეგიონში შემავალი ოთხივე მუნიციპალიტეტის მერებმა, საკრებულოს თავმჯდომარეებმა და მათმა მოადგილეებმა მიიღეს მონაწილეობა. ყურადღება გამახვილდა ინფრასტრუქტურული პროექტების მიმდინარეობაზე და აღინიშნა, რომ შეუფერხებლად უნდა გაგრძელდეს განხორციელების პროცესი. „შეხვედრაზე განიხილეს დღის წესრიგით გათვალისწინებული საკითხები: 2020 წელს რეგიონეში განსახორციელებლი პროექტების ფონდიდან დაფინანსებული პროექტების მიმდინარეობის შესახებ; 2020 წელს გამოყოფილი თანხების ლიმიტების ზემოთ დასამტკიცებელი დამატებითი პროექტების შესახებ; 2019 წლის გარდამავალი პრობლემური პროექტების შესახებ; დაბა ლენტეხში ლ. მუსელიანის სახელობის მუზეუმის სარეაბილიტაციო სამუშაოების გაგრძელებასთან დაკავშირებით შექმნილი პრობლემის შესახებ; რეგიონის მასშტაბით, წყალსადენების საპროექტო სამუშაოების დაწყებასთან დაკავშირებით. როგორც არჩილ ჯაფარიძემ აღნიშნა,საგანგებო მდგომარეობის მიუხედავად, ქვეყანა ჩვეულ რეჟიმში აგრძელებს მუშაობას და მუნიციპალიტეტებში სამუშაოები აქტიურად უნდა გაგრძელდეს“, - ნათქვამია ინფორმაციაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს