გუშინ საღამოდან დღემდე საველე ჰოსპიტალში კიდევ 8 ადამიანი მოთავსდა, - ამის შესახებ ქვემო ქართლში სახელმწიფო რწმუნებულმა შოთა რეხვიაშვილმა ჟურნალისტებს მარნეულის ბლოკ-პოსტთან განუცხადა.
„გუშინ ქვემო ქართლის მუნიციპალიტეტებიდან კორონავირუსით ინფიცირების რაიმე დადასტურებული ფაქტი არ ყოფილა. ტემპერატურულ სკრინიგს, მობილური ჯგუფებთან ერთად, ჩვეულებრივ რეჟიმში ვაგრძელებთ. იმ ათ პაციენტს, რომლებიც საველე ჰოსპიტალში იმყოფებოდნენ, უარყოფითი დასკვნა აქვთ, მაგრამ გუშინ საღამოდან დღემდე საველე ჰოსპიტალში კიდევ 8 პირი მოთავსდა, რომელთაც საჭირო კვლევა უნდა ჩაუტარდეთ,“ - განაცხადა რეხვიაშვილმა.