წყალტუბოს მუნიციპალიტეტში შეჭირვებული და 70 წელს გადაცილებული მოსახლეობისთვის პროდუქტის გადაცემა გრძელდება

სოფელ ფარცხანაყანევსა და ქვიტირში მცხოვრებ 40 ოჯახს ბიზნესმენმა ჯაბა კვერნაძემ ქველმოქმედების სახით 50-ლარიანი პროდუქტების კალათა და ვაუჩერები გამოუყო.

იმერეთში სახელმწიფო რწმუნებულის პრესსამსახურის ინფორმაციით, სოფელში, რამდენიმე შეჭირვებულ ოჯახში მუნიციპალიტეტის მერი გრიგოლ იოსელიანი, მაჟორიტარი დეპუტატი ცოტნე ზურაბიანი და საკრებულოს თავმჯდომარის მოვალეობის შემსრულებელი პაატა ახალაძე იმყოფებოდნენ, რომლებმაც კონკრეტული დაპირებები გასცეს.

„კორონავირუსის წინააღმდეგ კოორდინირებული, პრევენციული ღონისძიებების გატარება გრძელდება, მიხარია, რომ გამოჩნდნენ კეთილი ნების ადამიანები, რომლებიც უანგაროდ ეხმარებიან მოსახლეობას. ეს პროცესი შექცევადია და ადგილობრივი ბიუჯეტიდან მოხდება თანხის გამოყოფა, რათა ამ ეტაპზე ყველა გაჭივრებულ ოჯახს გადავცეთ საკვები პროდუქტები", - განაცხადა მუნიციპალიტეტის მერმა გრიგოლ იოსელიანმა.

ფარცხანაყანევსა და ქვიტირში საქველმოქმედო აქციის პარალელურად შეჭირვებულ ოჯახებს მაღაზიების მეპატრონეები სოფელ მაღლკაშიც დაეხმარნენ.

მუნიციპალიტეტში აქტიურად მუშაობენ მოხალისეები, ისინი ყოველდღიურ რეჟიმში უზრუნველყოფენ ადგილობრივი მოსახლეობის მოთხოვნების შესრულებას.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს