მარნეულის მერის ინფორმაციით, თერმოსკრინინგი დღეს 13 ათასზე მეტ მოქალაქეს ჩაუტარდა, ჯამში კი ამ დღეებში 70 ათასი ადამიანი შემოწმდა

მარნეულის მერის, ზაურ დარგალის განცხადებით, თერმოსკრინინგი დღეს 13 ათასზე მეტ მოქალაქეს ჩაუტარდა, ჯამში კი ამ დღეებში 70 ათასი შემოწმდა. „ძალიან ეფექტური პროცესია. ის, რომ დღეს გამოვლინდა ერთი ადამიანი დადებითი ბოლნისიდან, რომელსაც კორონავირუსი დაუდგინდა, ეს სწორედ თერმოსკრინინგის შედეგად მოხდა. ეს პროცესი გვაძლევს რეალურ სურათს თუ როგორი მდგომარეობა არის დაახლოებით მარნეულში, თუმცა ჩვენ ბოლომდე გავალთ და მერე ალბათ რეკომენდაციების მიხედვით ამ პროცესს გავაგრძელებთ", - განაცხადა ზაურ დარგალმა.

მისივე თქმით, გრძელდება მოსახლეობისთვის საკვები პროდუქტის დარიგება, ამასთან ერთად აქტიურად ტარდება დეზინფექცია.

„ვაგრძელებთ დახმარების გაწევას მოსახლეობისთვის, უკვე 700-მდე ოჯახმა მიიღო დახმარება საკვები პროდუქტის სახით, ამ პროცესში აქტიურად არის ჩართული ადგილობრივი ბიზნესი, თვითმმართველობა. მინდა ვისარგებლო შემთხვევით და მადლობა გადავუხადო ბიზნესის წარმომადგენლებს. ამასთან ერთად, დეზინფექცია ჩატარდა ქალაქში, სოფლებში, დარჩა 4 ერთეული, სადაც ორშაბათიდან გაგრძელდება დეზინფექცია. ჩვენი ცხელი ხაზი აქტიურია და მუდმივად შემოდის ინფორმაცია", - განაცხადა მარნეულის მუნიციპალუტეტის მერმა.

მანვე მოსახლეობას კიდევ ერთხელ მოუწოდა, ნუ დაარღვევენ საგანგებო რეჟიმს და საკარანტინე პირობებს, ვინაიდან შსს-მ უკვე დაიწყო მოქალაქეების დაჯარიმება.

„მინდა ადგილობრივებს ჰქონდეს ინფორმაცია იმაზე, რომ შსს-მ დარღვევების დაფიქსირებისას დაიწყო მოქალაქეების დაჯარიმება და ასეთი ფაქტები მარნეულშიც დაფიქსირდა. იმ შემთხვევაში თუ მოქალაქე არღვევს საგანგებო მდგომარეობის პირობებს და საკარანტინე პირობებს, დაჯარიმდება 3000 ლარით, დაჯარიმდება ყველა, ვინც დაარღვევს და როგორც მე მირეკავენ სხვადასხვა ადგილებიდან, ასეთი ფაქტები მარნეულშიც არის", - განაცხადა დარგალმა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია