ფოთში, ქვეყანაში შექმნილი მდგომარეობის გამო, 29 მარტიდან მუნიციპალური ტრანსპორტის მოძრაობა შეჩერდება. ინფორმაცია ფოთის მუნიციპალიტეტის მერიის "ფეისბუქ" გვერდზე გავრცელდა.
„დღევანდელი მოცემულობიდან გამომდინარე, როცა ქვეყანაში კორონავირუსის შიდა გავრცელება ფიქსირდება, პრევენციული ღონისძიებების უფრო გამკაცრებაა საჭირო.
აღნიშნულიდან გამომდინარე, ფოთის მუნიციპალიტეტში 29 მარტიდან, მუნიციპალური ტრანსპორტის მოძრაობა ჩერდება. მიღებული გადაწყვეტილება ჩვენი მოქალაქეების ჯანმრთელობის დაცვას ემსახურება. დარჩით სახლში, დავიცვათ რეკომენდაციები, გავუფრთხილდეთ ერთმანეთს და ერთად დავამარცხოთ კორონავირუსი“, - ნათქვამია განცხადებაში.