კახეთში ეპიდსიტუაცია სტაბილურია და თვითიზოლაციაში მყოფ არც ერთ მოქალაქეს საეჭვო სიმპტომი არ აღენიშნება. ამის შესახებ ჟურნალისტებს კახეთის საზოგადოებრივი ჯანდაცვის ცენტრში განუცხადეს.

განყოფილების უფროსის ნელი ხიზანიშვილის თქმით, გასული დღე-ღამის განმავლობაში, როგორც კარანტინიდან ასევე თვითიზოლაციიდან არც ერთი მოქალაქე არ გადაუყვანიათ სამედიცინო დაწესებულებაში. შესაბამისად, რეგიონში ამ ეტაპზე კორონავირუსით ინფიცირება არ ფიქსირდება.

მისივე თქმით, თვითიზოლაციაში იმყოფება 299 მოქალაქე, მათ შორის საგარეჯო -64, ლაგოდეხი - 49, ყვარელი -33, გურჯაანი -32, სიღნაღი -24, თელავი - 53, დედოფლისწყარო -17, ახმეტა - 27.

ხოლო, სამ მუნიციპალიტეტში განთავსებულ 9 საკარანტინო სივრცეში 580 მოქალაქე იმყოფება.