ყვარლის მუნიციპალიტეტში ხანძარს 80 წლამდე ქალი ემსხვერპლა. სოფელ შილდაში მცხოვრები ხანდაზმული ქალი შემთხვევის დროს მარტო იმყოფებოდა და სახლიდან გამოსვლა ვერ მოახერხა.
ყვარლის მერის ინფორმაციით, ცეცხლი, სავარაუდოდ, შეშის ღუმელიდან გაჩნდა, რა დროსაც ქალს ეძინა.
"80 წლამდე ქალი, სახლში მარტო ცხოვრობდა. როგორც ვიცით, შეშის ღუმელი აანთო და დაიძინა. სავარაუდოდ, აალება გამოიწვია ღუმელმა და ცეცხლი სწრაფად გავრცელდა. ადგილზე უმოკლეს დროში მივიდა სახანძრო-სამაშველო სამსახური, მაგრამ სამწუხაროდ, გადარჩენა ვერ მოხერხდა",-განაცხადა მან.
ადგილზე სახანძრო სამაშველო სამსახურები და პოლიციაა მობილიზებული. მეხანძრე-მაშველები ცეცხლის ლიკვიდაციას ცდილობენ.