ამბროლაურის მუნიციპალიტეტში საბავშვო ბაღების აღსაზრდელებზე სასურსათო პაკეტების გადაცემა დასრულდა. ამის შესახებ „ინტერპრესნიუსს“ ამბროლაურის მუნიციპალიტეტიდან აცნობეს. მუნიციპალიტეტის მერმა ზვიად მხეიძემ, წითელი ჯვრის საზოგადოების ამბროლაურის ფილიალის წარმომადგენლებთან, საგანგებოდ შექმნილ მოხალისეთა ჯგუფთან და სკოლამდელი სააღმზრდელო დაწესებულების თანამშრომლებთან ერთად, პროდუქტი, რომელიც მიმდინარე პერიოდში პატარებისთვის საბავშვო ბაღებში იყო გათვალისწინებული, ბავშვების ოჯახებს პირადად გადასცა.