ნავთობის, ნავთობპროდუქტებისა და გაზის კომიტეტის ხელმძღვანელი - საკარანტინო ზონებში ბრენდული ნავთობკომპანიების ყველა გასამართი სადგური შეუფერხებლად ფუნქციონირებს

მარნეულსა და ბოლნისში მდებარე ბრენდული კომპანიების გასამართი ყველა სადგური მკაცრი საკარანტინო რეჟიმის პირობებში აგრძელებს მომხმარებელთა - როგორც ადგილობრივ მაცხოვრებელთა, ისე სხვადასხვა სპეციალური დავალებებით ადგილზე მყოფი სახელმწიფო სტრუქტურების წარმომადგენელთა საწვავით უზრუნველყოფას, - ამის შესახებ ნავთობის, ნავთობპროდუქტებისა და გაზის კომიტეტის ხელმძღვანელი, შავლეგ მიშველაძე აცხადებს.

„ძალზე მნიშვნელოვანია, რომ მიუხედავად საკარანტინო პირობებისა, რა თქმა უნდა განსაზღვრული წესების სრულად დაცვით, ადგილობრივ მოსახლეობას ჰქონდეს სასოფლო-სამეურნეო სამუშაოების წარმოების შესაძლებლობა - ამ გადასახედიდანაც ძალზე მნიშვნელოვანია ბრენდული გასამართი სადგურების მზაობა უზრუნველყონ მომხმარებლები ნებისმიერი ტიპის საწვავით შეფერხების გარეშე”, - განაცხადა შავლეგ მიშველაძემ.

ბიზნესასოციაციის ინფორმაციით, ადგილზეა გასამართი სადგურების ყველა თანამშრომელი.

„აღნიშნულ ორ რაიონში, ხუთი ბრენდული კომპანიის 16 გასამართი სადგური ფუნქციონირებს - ჯამში, 140-მდე დასაქმებული ადამიანით. სამუშაო პროცესი მიმდინარეობს ცვლებად, შესაბამისი გრაფიკის თანახმად და რაც მთავარია - უსაფრთხოების წესების სრული დაცვით. საკარანტინო რეჟიმის შემოღებამ მნიშვნელოვანი ცვლილებები შეიტანა თითოეული ბრენდული ნავთობკომპანიის დღის წესრიგში. საწვავით მომარაგება ხორციელდება შესაბამის სამსახურებთან სრული კოორდინაციით. ნავთობპროდუქტების გადამზიდავი ტრანსპორტის პერსონალი ასევე ეკიპირებულია უსაფრთხოების პირობების მოთხოვნათა შესაბამისად“, - ნათქვამია ბიზნესასოციაციის მიერ გავრცელებულ ინფორმაციაში.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია