სამეგრელო-ზემო სვანეთის მასშტაბით, დღევანდელი მონაცემებით, თვითიზოლაციაში 337 პირი იმყოფება. რეგიონის საზოგადოებრივი ჯანდაცვის ცენტრის ინფორმაციით, მეთვალყურეობიდან მოიხსნა 385 მოქალაქე, ხოლო კარანტინში 160 ადამიანი რჩება.
თვითიზოლაციის პირობების დარღვევისთვის რეგიონის მასშტაბით საკარანტინო სივრცეში სულ 32 პირი გადაიყვანეს.
ზუგდიდის ინფექციურ საავადმყოფოში ამ დროისთვის სამი პირი აგრძელებს მკურნალობას. მათ შორის 67 წლის მამაკაცია, რომელსაც კორონავირუსი 25 მარტს დაუდასტურდა.
რაც შეეხება პაციენტს, რომელიც ოკუპირებული გალიდან წუხელ გადმოიყვანეს, კორონავირუსზე ტესტის პასუხს დღეს ელოდებიან.