რუსთავში, სასტუმრო „რუსთავის” საკარანტინო ზონაში 30-მდე მოქალაქე შეიყვანეს

რუსთავში, სასტუმრო „რუსთავის” საკარანტინო ზონაში 30-მდე მოქალაქე შეიყვანეს. როგორც „ინტერპრესნიუსისთვის“ გახდა ცნობილი, ისინი საქართველოში, ძირითადად სადახლოს სასაზღვრო გამშვები პუნქტის გავლით შემოვიდნენ და მათი გადმოყვანა რუსთავში მოწყობილ საკარანტინო ზონაში განხორციელდა.

ამასთან, სასტუმრო „რუსთავში“ ორკვირიანი იზოლაციის ვადა 96 პირიდან 70-ს ამოეწურა და ისინი სახლებში დაბრუნდნენ. დღეის მდგომარეობით, სასტუმროში 56 მოქალაქეა განთავსებული.

დღესვე, მოქალაქეები რუსთავის კიდევ ორ საკარანტინო ზონაში, კერძოდ სასტუმრო „ვეჯინსა” და რუსთავის ავტობაზრობის ტერიტორიაზე არსებულ სასტუმრო „ავტო პაპაში“ შეიყვანეს.