გურიაში თვითიზოლაციაში 64 მოქალაქე რჩება, საკარანტინო სივრცეში კი 16 პირია მოთავსებული
გურიაში თვითიზოლაციაში 64 მოქალაქე იმყოფება. საკარანტინო სივრცეში კი გურიიდან 16 ადამიანია მოთავსებული.
გურიის საზოგადოებრივი ჯანდაცვის ცენტრის ხელმძღვანელის, არჩილ მჟავიას თქმით, რეგიონში დღეს კორონავირუსით ინფიცირების ახალი შემთხვევა არ დადასტურებულა.
,,საბედნიეროდ, დღეს ახალი შემთხვევა არ გვაქვს. გურიაში, თვითიზოლაციის რეჟიმი დაასრულა 12-მა პირმა. ისინი კარგად გრძნობენ თავს. ჩვენს მიერ მუდმივად კონტროლდებიან თვითიზოლაციაში მყოფი პირები, მათი ჯანმრთელობის მდგომარეობა დამაკმაყოფილებელია. გურიაში სულ თვითიზოლაციაში 64 პირი იმყოფება. ოზურგეთიდან 29, ლანჩხუთიდან 29, ჩოხატაურიდან კი 6 ადამიანი გადის თვითიზოლაციას”, - განაცხადა გურიის საზოგადოებრივი ჯანდაცვის ცენტრის ხელმძღვანელმა, არჩილ მჟავიამ.
v-if="article.gallery" v-html="article.gallery"
15.07.2025 / 21:13
15.07.2025 / 21:13
14.07.2025 / 09:02
